𝗜𝗟𝗢𝗜𝗟𝗢 𝗖𝗜𝗧𝗬 — Suportado sang Iloilo City Traffic Management Unit (ICTMU) ang pila ka mga kooperatiba sa Iloilo City nga nagapalamalaut sa ginaduso nanday Senate President Francis “Chiz” Escudero kag Senator Raffy Tulfo nga pauntataton ang implementasyon sang gobyerno sang Transport Modernization Program (TMP).
Sa interview sang Bombo Radyo kay Ret. Police Colonel Uldarico Garbanzos, pinuno sang Iloilo City Traffic Management Unit, iya ginpahayag nga ang Iloilo City ang naga-implementar na sang enhanced Local Public Transport Route Plan (LPTRP) kaupod ang 14 ka mga kooperatiba kag duha ka korporasyon nga naga-operate sang modernized jeepney sa syudad.
Suno kay Garbanzos, makaapekto ang tuyo nga pagsuspende sang programa sa ginpatuman sang syudad nga Local Public Transport Route Plan.
Ginpahayag man sini nga ang tinutuyo sang mga sendador ang mangin dako huol sa syudad kag sa pila ka bahin sang pungsod, sa mga naga-negosyo, kag 14 ka mga kooperatiba nga naga-operate sa syudad.
Nagpabutyag man ini nga mangin negatibo ang pagpauntat sa modernisasyon bangud pila ka bulan ang ila gin-uyang agud nga matigayon ang modernization program sa Iloilo City.
Gin-athag man sang natungdan nga dapat ang momentum sang modernisasyon ang kontani matuyuyon bangud paagi sa amo nga tikang, mangin modern transport na ang Iloilo City by 2029.
Nagalaum si Garbanzos nga kon mapirmahan gidman ang suspension, kontani exempted ang syudad sang Iloilo.
