Padayon ang hugot nga kampanya sang Iloilo City Traffic and Transportation Management Office ukon ( ICTTMO) batok sa mga E-bike, E-trike kag Colorum nga mga transport vehicle sa siyudad sang Iloilo.
Sa interview sang Bombo Radyo kay Ret. PCol. Uldarico Garbanzos, head sang Public Order and Safety Management Office (POSMO) kag amo man sang ICTTMO, iya ginpahayag nga hugot na nila nga ginapatuman ang traffic regulation plan sa siyudad, amo man ang pagpadayon sang pagpanakop sa mga E-bike, E-trike ilabi na sa mga dalanun nga gina dumilian ang pagbyahe sang sahi nga mga transport vehicle.
Dugang pa sini nga nagatuga sang uhol sa mga dalanun sa siyudad ang sahi nga mga transport vehicle kag kun ila madakpan ang mga ini nga nagabyahe sa mga mayor nga dalanun, pagadakpon ini gilayun sang ila mga traffic personnel.
Ini kasunod sa mandu sang Land Transportation Office ( LTO) nga sugod Desyembre 1, pagadakpon na kag iga-impound ang sahi nga transport vehicle nga makit-an nga nagabyahe sa mga national road sa bug-os nga pungsod.
Ini nga kasuguan ang sa idalum sang R.A 4136 ukon Land Transportation and Traffic Code, nga nagatugda sang vehicle registration, traffic rules, kag road safety sa bug-os nga pungsod.
 batok sa mga E-bike, E-trike kag Colorum nga mga transport vehicle sa siyudad sang Iloilo.){kind=link}