ILOILO CITY – Nagdangat na sa masobra 200 nga mga awardees sa relocation site sang Iloilo City ang ginpangbawian sang rights.
Sa interview sang Bombo Radyo kay Roy Firmeza, pinuno sang Iloilo City Urban Poor Affairs Office (ICUPAO), iya ginpahayag nga masami nga rason sang pagbawi sa ila amo nga wala nila ini gin-istaran ukon lain nga tawo ang naga-istar diri.
Ang ini nga data ang humalin pa sang nagbalik pungko si Iloilo City mayor Jerry Treñas sa pagka-alkalde sang syudad.
Suno kay Firmeza, dapat nga mangin responsable ang mga ini sa paggamit sang buwis sang pumuluyo.
Samtang, ginpasalig man niya ang publiko nga tatapon sang syudad ang tanan nga mga pamilya nga nadulaan sang balay bangud sang kalamidad ukon ang mga naapektuhan sang proyekto sang gobyerno.
