Identification Card kag travel pass gid ang dapat dumdumon kag bitbiton sang mga Authorized Persons Outside Residence ukon APOR agud makabyahe kag makasulod sa Iloilo City samtang ginapatuman ang hard lockdown, Agusto 3-8.
Sa interview sang Bombo Radyo kay Commander Edison Diaz, Chief sang Philippine Coast Guard (PCG) – Iloilo, iya ginpahayag nga wala man sang daku nga pagbag-o sa byahe sa kalalawran halin sa diin man nga bahin sang Panay Island padulong sa syudad bangud in place naman nga daan ang enhanced community quarantine (ECQ).
Magkaangay lang ang probisyon suno sa natungdan bangud wala man ginatugutan ang non-essential travelers.
Unhampered man ang byahe sang cargo.
Sandig sa Executive Order No. 70 Series of 2021 ni Iloilo City Mayor Jerry Trenas, samtang in place ang hard lockdown sa Iloilo City, ginadumilian nga maka-byahe padulong sa syudad ang mga tawo halin sa iban nga bahin sang Panay Island, magluwas lang kun sila ang:
- Returning Overseas Filipino workers, Returning Iloilo City residents kag Authorized Persons Outside of Residence;
- Residents sang Iloilo Province; kag
- Residents sang Guimaras Province
