Pampa-good vibes anay sa inyo nga adlaw! 
Daw indi mahubsan sang similarities ini nga identical twins didto sa California.
Ini matapos dungan man sila nga nagbun-ag sa ila baby boys didto sa Kaiser Permanente hospital sa Anaheim.
Ang ginatumod nga kapid amo sanday Jill Justiniani kag Erin Cheplak.
Ang ila naman anak ang ginpangalanan nga sanday Oliver kag Silas.Ang ila ginbun-ag nga baby boys ang pareho man nga naga-measure sang 20 inches long.
Suno sa kapid, naka-schedule kuntani si Jill para sa C-section sang Mayo 5, apang sang amo nga tion, naglupok man ang panubigon ni Erin apisar nga 10 days pa kuntani antes ang iya nga due date.
Gin-share man sang mag-utod nga very special nga dungan sila nga nagbusong bangud ginasuportahan nila ang isa kag isa kag pareho sila sang ginaagyan nga proseso. ##
