[WARNING:SENSITIVE CONTENT/ANIMAL CRUELTY]
Nagapangayo sang bulig ang isa ka pamilya para makit-an ang tawo nga nag-utod sang dila sang ila nga ido sa Balangkas, Valenzuela City.
Suno kay Rodlee Rivera-Zulueta, ang tag-iya sang ido nga si Kobe, nadikusbrehan nila nga nakagwa ini sa ila balay bangud sa pag-panic tuga sang mga palupok sa lugar.
Makaligad ang pila ka oras, nakit-an nila nga nagpauli ini kag may dugo sa iya baba.
Ginsundan sang pamilya ang tulo sang dugo kag nakit-an ang utod nga dila sang ido.
Napalantaw na sa beterinaryo ang ido kag ginsiling nga indi na maibalik pa ang dila sini.
Sa subong, stable na ang kahimtangan sang ido apang magalawig pa sang pila ka semana bag-o dalayon nga makarekober.
Ginsiling naman sang doktor nga samtang nagakabuhi, mangin mabudlay para sa ido ang pag-inom kag pagkaon bangud sa iya nautod nga dila.
