Gin-rescue sang animal rights group sa South Korea ang isa ka ido matapos napatay sa Jeju plane crash ang pamilya nga nagatatap sa iya.
Gin-identify ang ido nga si Pudding nga isahanon nga nabilin sa balay sa Yeonggwang County sa South Jeolla province.
Sang nagtibusok sang eroplano sang Domingo, Disyembre 29, lakip sa mga biktima amo ang 79-anyos nga tag-iya sang ido. Patay man sa amo nga trahedya ang iya asawa, duha ka kabataan nga babaye, isa ka umagad, kag apat ka mga apo.
Suno sa grupo nga Coexistence of Animal Rights on Earth (Care), nagbyahe ang pamilya sa Thailand apang bangud sa amo nga insidente, wala na sila nakabalik.
Nakit-an naman si Pudding nga nagalibot-libot sa balay sang iya pamilya. Masami man nga ini nga nagabantay sa nagalabay nga mga salakyan.
May mga maalwan man nga mga kasilingan nga nagpakaon sa iya tubtub nga gindala ini sang animal rights group kag ginpa-check sa veterinary hospital sa Seoul.
“They never returned, and the empty house they left behind was haunted by their five-year-old granddaughter‘s pet dog, Pudding. Pudding would stare at every car that drove into town, and the locals would feed her out of sympathy for the loss of her family,” suno sa CARE.
Gin-anunsyo man sang organisasyon nga tatapon anay nila si Pudding tubtub nga may mag-abot nga panibag-o nga guardian nga maka-kuha kag makasagod sa iya.
“After determining that Pudding was in danger roaming the town without a guardian, Animal Rights Organization Care rescued Pudding. Care will keep Pudding until a suitable guardian can be found. Our thoughts and prayers are with the victims of this tragedy,” kabahin pa sang post.
