Ginakabig nga Man’s bestfriend ang mga ido bangud sila ang isa sa mga pinaka loyal nga sapat.
Isa ka bala dog lover?
Kabalo ka bala nga kun tuman ka kapalangga sang imo ido sarang sini nga itaya ang iya kaugalingon nga kabuhi agud masalbar ka lang?
Ginpamatud-an ini sang dachshund nga si Miley nga ginpanag-iyahan ni Jaim Bugtay Selim sang Barangay Lanao sa Kidapawan City matapos ini nga napatay sang ginsalbar ni Mily ang isa ka 1 ka tuig nga bata batok sa isa ka cobra.
Suno kay Jaim, natulupangdan sang ila kaupod sa balay nga nagatinaghol ang ila 2 ka mga dachshund sa gwa sang ila nga balay kun sa diin yara man ang ila 1 ka tuig nga bata.
Sang nag gwa ang kabulig, nakita sini ang isa ka cobra sa kilid sang ido nga si Miley nga nagahigda kag maluya na.
Napatay si Miley matapos ang pila ka mga minutos pagkatapos sang insidente.
Dugang pa ni Jaim, 5 na ka tuig nila nga kaupod si Miley kag nangin parte na ini sang ila nga pamilya.
Nagapasalamat naman ang pamilya ni Jaim kay Miley bangud sa ginhimo sini nga pagsalbar sa ila nga anak.
