Posible nga magpadalagan sa pagka-bise presidente si Presidente Rodrigo Duterte sa 2022 elections.
Suno kay Duterte, kun may yara man lang sang espasyo para sa iya, mahimo nga magpapili man siya sa palaabuton nga eleksyon.
Apang kun wala na sang espasyo pahayag niya bangud sa kadamuon sang luyag nga mangin Vice President, iban na lang ang magpadalagan bangud tapos naman ang iya termino.
Ginakabig sang presidente nga indi malain nga ideya kuntani ang liwat nga magpadalagan sa national elections.
May mga butang dugang sang presidente nga luyag pa niya nga padayunon.
Samtang gintawag naman ni Pres. Duterte si Chief Presidential Legal Counsel Atty. Salvador Panelo nga “my favorite candidate for senator.”
Ginpamangkot sang presidente si Panelo kun bala mapadalagan gid man ini sa pagka-senador.
