Nagpaathag ang Iloilo Festivals Foundation Incorporated (IFFI) sa publiko nga sila ang nagdesisyon nga ibutang sa kaagahon ang pamukaw sang Iloilo Dinagyang Festival.
Sa interview sang Bombo Radyo kay Ms. Joyce Clavecillas, Head sang Iloilo Festivals Foundation Incorporated, iya ginpahayag nga ginahiwat ang ‘pamukaw’ pagkatapos sang misa.
Suno kay Clavecillas, ginbutang sa kaagahon ang aktibidad agud mas mangin makahulugan ini kag naga-derive halin mismo sa tinaga nga ‘pukaw’.
Ginpahayag man sini nga ini ang kahigayunan man agud makatambong sang misa ang mga tribu nga nagapasakop sa Dinagyang.
Nahibaluan nagsugod ang pamukaw sa kaagahon sang nagligad tuig 2023.
Kon balikan, ang mga naglinigad nga mga pamukaw ang ginapatigayon kon hapon.
