Ginkakibot sang Iloilo Festivals Foundation, Inc. (IFFI) ang nangin atake sang Tribu Hangaway sa ila pamukaw nga performance sa nagligad nga Dinagyang 2025 Pamukaw.
Sa interview sang Bombo Radyo kay Eric Divinagracia kag Elvert Bañarez, Artistic Director sang Iloilo Festivals Foundation, Inc., iya ginpahayag nga ang nasambit nga tribu ang naggamit sang pinta kag ginbutang ini sa ila mga nawong nga daw kaangay sa movie character nga si Joker.
Suno kay Divinagracia kag Bañarez, pasiguraduhon nila nga makuha ang atensyon sang amo nga tribu agud nga indi na ini masulit pa sa opening salvo sang Iloilo Dinagyang.
Gin-athag man sini nga sila ang nagalibot sa tagsa ka tribu agud magsekyar sang mga performance, apang, gin-ako man sang natungdan nga indi nila gilayon matumod kon ang grupo ang magagamit sang mga pinta sa ila itsura.
Nagpasalig man ang talatapan nga antes ang opening salvo kag competition proper, paga-istoryahan ang alignment of concept sa tema sang kahiwatan, performance, costume kag design, kon sa diin, may mga sketches nga dapat ipasa ang tagsa ka tribu.
