ILOILO CITY – Gin-athag sang Iloilo Festivals Foundation Incorportated nga mahimo ini mangin oversight function lamang sa mga festival sa syudad sang Iloilo.
Sa interview sang Bombo Radyo kay Atty. Jobert Peñaflorida, Presidente sang Iloilo Festivals Foundation Incorportated, iya ginpahayag nga ginarespeto nila ang application sang Iloilo Paraw Regatta Foundation Incorporated sa City Council kag sa pagkamatuod, naga-istoryahanay na ang duha ka mga foundations.
Suno kay Peñaflorida, wala sang deperensya kun may isa pa ka foundation nga magadumala sa festival sang syudad partikular ang paraw regatta festival.
Indi man kinahanglan nga ang Iloilo Festivals Foundation Incorporated lamang ang makapot sa tanan nga festivals sang syudad.
Sa pagkamatuod, official representative sang IFFI sa Iloilo Paraw Regatta si Dr. Ronald Raymond Sebastian nga amo ang Bise Presidente sang Iloilo Festivals Foundation Incorporated.
Dugang pa sang natungdan, magasuporta na lamang ang Iloilo Festivals Foundation Incorporated kag magabulig sa lloilo Paraw Regatta Foundation Incorporated.
