ILOILO CITY – Gintapos na ni Atty. Jobert Peñaflorida ang duha ka tuig nga pagpangalagad bilang presidente sang Iloilo Festivals Foundation, Incorporated (IFFI).
Ang IFFI amo ang naga-manage sang dalagku nga mga major tourism events sa syudad sang Iloilo.
Suno kay Peñaflorida, epektibo ang iya pagbiya sa posisyon subong nga Myerkules, Hunyo 30.
Nagpalab-ot naman sang mensahe sang pagpasalamat si Iloilo City Mayor Jerry Treñas bangud sang pagpamuno ni Peñaflorida apisar sang mga pagpanghangkat sang 2019 kag sang mga sakripisyo dala sang tuig 2020.
May kaangtanan diri, may bag-o man nga set of officers nga magapungko epektibo subong nga adlaw.
Si Dr. Ronald Raymond Sebastian, chief executive officer sang John B. Lacson Maritime University, amo ang bag-o nga IFFI president.
Ang vice president amo ang negosyante nga si Ryan Allan Tan.
Nagdugang man nga miyembro sang foundation si Roel Castro, presidente kag Chief Operating Officer (COO) sang MORE Electric and Power Corporation.
