ILOILO CITY- Bukas ang Iloilo Festivals Foundation Incorporated sa mga pagbag-o kag modipikasyon.
Ini kasunod sang pagbasura sang Sangguniang Panlungsod sa hingyo ni Iloilo City Mayor Jerry Treรฑas nga magpasar sang resolusyon nga magahatag sa alkalde sang otoridad nga magpirma sang Memorandum of Agreement sa tunga sang Iloilo City Government kag Iloilo Festivals Foundation Incroporated nga mangin official partner sang syudad nga magauyat sang mga major festivals.
Ang ginplastar nga rason sang Iloilo City Council amo nga wala nakapasar sa ‘Guidelines on accreditation of civil society organizations and selection of representatives to the local special bodies’ ang Iloilo Festivals Foundation Incroporated sa diin gina-require ang isa ka organisasyon nga dapat may yara ini sang project development kag implementation track record sang indi magnubo sa isa ka tuig.
Magluwas diri, ginpahayag man sang konsehal nga napaslawan man ang Iloilo Festivals Foundation Incorporated nga magpasa sang ila financial records sa City Council.
Sa interview sang Bombo Radyo kay Atty. Jobert Penaflorida, Presidente sang Iloilo Festivals Foundation Incorporated, iya ginpahayag nga nagapangayo lamang sila sang paghangop bangud nga duha ka bulan pa lamang ang organisasyon.
Suno kay Peรฑaflorida, indi man lipod sa ila ang mga limitasyon sang ila organisasyon.
Sa subong, suno sa natungdan, ila na nga ginalantaw ang tanan nga mga options para nga mahimo sang Iloilo Festivals Foundation Incorporated ang ila mga plano.
Naghingyo man ini sa Iloilo City Government nga buylugan ang Iloilo Festivals Foundation Incorporated bangud para man ini sa kaayuhan sang syudad kag sang Dinagyang Festival 2020.
