ILOILO CITY – Nagpasalamat sa Bombo Radyo Philippines ang pamunuan sang Iloilo Festivals Foundation Incorporated sa ginhatag nga suporta sa madinalag-on nga Dinagyang Festival 2024.
Nahibaluan nga nagaserbe nga Chairperson sang Publicity and Media Relations Committee ang Chairman sang Florete Group of Companies nga si Dr. Rogelio M. Florete.
Sa interview sang Bombo Radyo kay Mr. Rito ‘Judgee’ Lopez Peña, chairman sang Iloilo Festivals Foundation Incorporated, iya ginpahayag nga dako ang nabulig sang istasyon sa madinalag-on nga pagpatigayon sang world-class event.
Suno kay Peña, ini na ang ikaanom nga tuig nga gindumalahan nila ang Dinagyang Festival matapos ang pagpamuno sadto sang Iloilo Dinagyang Foundation Incorporarted.
Ginpabugal man sang natungdan bangud sa tuman kadamo nga mga audience nga nagtambong sa kahiwatan.
Ginpahayag sini nga ang Dinagyang Festival ang ginsaksihan mismo indi lang sang mga taga-Pilipinas kundi mangin sa mga bisita sa luwas sang pungsod.
