ILOILO CITY – Nagpasalig ang Iloilo Festivals Foundation, Inc. nga magluwas sa mga aktibidad sa Dinagyang Festival 2024, maga-enjoy man ang mga bisita sang mga manamit nga pagkaon sang Iloilo City.
Ang Iloilo ang naga-isahanon lamang nga syudad sa bug-os nga Pilipinas nga nalakip sa UNESCO Creative City for Gastronomy.
Sa interview sang Bombo Radyo kay Ms. Joyce Clavecillas, executive director sang Iloilo Festivals Foundation, Inc., iya ginpahayag nga natumod na ang mga dalanon sa syudad nga buksan para sa Dinagyang Food Fest.
Ini ang ginalakipan sang Solis St., Delgado St., Valeria St., kag Iznart St.
Suno kay Clavecillas, magluwas sa downtown area, may ginhanda man nga food festival ang mga partner establishments kaangay sang mga malls kag restaurants.
Pahayag niya, diri ipakita kun daw ano ka-namit kag ka-pinasahi ang mga pagkaon sa Iloilo.
