Nagpanawagan ang Malacañang nga tahuron ang desisyon sang Sandiganbayan nga i-abswelto si former Senate President kag subong Chief Presidential Legal Counsel Juan Ponce Enrile sa kaso nga graft.
Unanimous ang desisyon sang Sandiganbayan Special Third Division nga i-abswelto si Enrile, iya anay chief-of-staff nga si Jessica “Gigi” Reyes, Janet Napoles, kag iban pa sa 15 counts sang graft bangud sang alleged misuse sang P172-million pork barrel ni Enrile.
Suno sa korte, napaslawan ang prosecution nga mapamatud-an nga guilty ang akusado beyond reasonable doubt.
Bangud sang amo nga desisyon, cleared na si Enrile sa tanan sini nga kaso nga naangot sa pork barrel.
Suno naman kay Communications Undersecretary Claire Castro, dapat nga respetuhon kun ano man ang ginhambal sang korte.
“Ang Pangulo na ang gusto niya kapag nagsampa ng kaso hindi mabilisan, dapat kumpleto ang ebidensya dahil pag nagkataon, kaunti lang na pagkakamali — especially criminal case ito — any doubt, kapag hindi nagkaroon ng judgement beyond reasonable doubt, talaga pong magkakaroon ng acquittal,” suno sa Palace official.
Matandaan nga antes sini, daog man si Enrile sa kaso sini nga plunder sang nagligad nga tuig, kaangay man kanday Senator Jinggoy Estrada kag former senator Bong Revilla nga daog man sa plunder cases. Pareho kay Enrile, abswelto naman si Revilla sa tanan sini nga plunder and graft cases, samtang may nabilin naman nga kaso nga graft para kay Estrada.#
