ILOILO – Kadalag-an para sa mga opisyales kag pumuluyo sang Igbaras, Iloilo ang mangin isa na ka drug-free municipality sa probinsya sang Iloilo.
Ini ang ginpabutyag ni Igbaras Mayor James Esmeralda.
Sa interview sang Bombo Radyo kay Esmeralda, iya ginpahayag nga nangin daku gid nga bulig ang kooperasyon sang publiko sa amo nga kadalag-an kag mangin ang mga anay drugs-dependent nga mga pumuluyo ang nagapakigbahin na subong sa mga programa sang gobyerno.
May mga mga pagsinapol nga ginahimo para sa ila suno kay Esmeralda, kag may yara sang nga na-organisa nga mga lihok kaangay sang mga sports program kag mga insurance.
Dugang pa sang alkalde, ang iban sang mga drug surrenderees ang may mga trabaho na sa munisipyo sang ila banwa.
Ginahandaan subong sang nasambit nga banwa ang ginakabig ‘daku nga event’ nga patigayunon sa Nobyembre 22, Byernes, sa diin magakadto ang Philippine Drug Enforcement Agency (PDEA) agud ideklara nga drug-free ang Igbaras.
Ginalauman man ang pag-abot ni Iloilo Governor Arthur Defensor Jr. kag iban pa gid nga opisyales sang nagkalain-lain nga mga ahensya nagikan sa probinsya sang Iloilo.
Nahibaluan nga ang Igbaras ang isa sa tatlo ka mga drug-free municipalities sa first district sa probinsya, kaupod ang mga banwa sang Miag-ao kag Tubungan.
