ILOILO CITY- Tun-an pa sang Local Government Unit sang Igbaras, Iloilo kun ipauntat anay ang pagbaton sang mga turista.
Ini kasunod sang natabo nga pagsunog sang mga katapo sang New People’s Army sa 13 ka mga motorsiklo nga ginapanag-iyahan sang Citizen Armed Force Geographical Unit (CAFGU) kag mga sibilyan sa Brgy. Igcabugao.
Sa interview sang Bombo Radyo kay Mayor James Esmeralda, iya ginpahayag nga istoryahan pa nila ini kaupod ang Philippine Army.
Gin-ako ni Esmeralda nga dako ang epekto sa ila banwa sang natabo bangud mahadlok na ang mga turista nga magpadulong sa Igcabugao nga amo ang sentro sang turismo sa banwa.
Dugang niya, mangin ang ila plano nga pagpahimo sang flower farm ang posible nga indi anay madayon bangud sa insidente.
