Ginkumpirma sang Igbaras Municipal Police Station nga wala sang vote buying nga na-record sa amo nga banwa.
Sa interview sang Bombo Radyo kay Police Captain Donne Lomahan, hepe sang Igbaras MPS, iya ginpahayag nga wala sang complainant nga nagpadulong sa ila estasyon agud magreklamo natuhoy sa amo nga isyu.
Suno kay Lomahan, apisar nga madamo sang mga naga-post sa social media, wala sang may nagapresentar sang ebidensya sa ila agud kuntani nga maimbestigahan.
Sa subong, nagapadayon ang pagsekyar sang kapulisan sa seguridad sang publiko sa amo nga banwa pinaagi sa pagpatuman sang checkpoints kag mobile patrolling.
Article: Bombo Hanna Andasa
