Ginhugtan sang Iloilo Hotel, Resorts And Restaurant Association (IHRRA) ang pagpasulod sang mga guests sa kada hotel sa syudad sang Iloilo.
Sa interview sang Bombo Radyo kay Mary Ann Darroca-Matiling, presidente sang IHRRA, iya ginpahayag nga nagpatigayon na sila sang pagsinapol kaupod ang Meeting Incentive Travels, Conferences/Conventions, Exhibitions/Events (MICE).
Suno kay Matiling, lakip sa ila gin-istoryahan amo ang pagpatuman sang hugot nga pagsulundan sa pag check in sang mga guest kag pagsunod sa health protocols.
Ginpasalig man sang mga managers suno sa natungdan, nga ila pahalinon ang mga guest sa tion nga maglapas ini sa mga protocol.
Gin-athag man ni Matiling nga ginapasugtan lang nila nga maximum nga guest sa kada hotel room ang indi dapat maglapaw sa duha.
