ILOILO CITY– Ginkumpirma sang Department of Health Region VI nga nagikan sa banwa sang Lambunao ang ika 16 nga pasyente persona sa Western Visayas nga nagpositibo sa coronavirus disease 2019.
Sa interview sang Bombo Radyo kay Dr. MARY Jane Juanico, Medical Office 3 sang Department of Health Region 6, iya ginpahayag nga ang nagpositibo amo ang isa ka 70 year old nga lalaki, wala sang travel history, apang may relative nga posible nagpauli nagikan sa pungsod Thailand.
Suno kay Juanico, ginapaidalom na sa subong sa close monitoring ang nasambit nga persona kag naka-admit sa hospital.
Pahayag pa ni Juanico, padayun ang contact tracing sa mga nakacolose contact sang pasyente, apang ang mga malapit sini nga pamilya ang ginpaidalom na sa home quarantine.
