ILOILO– Gindadumdom sa subong sa Estados Unidos ang ika-18 nga anibersaryo sang 9/11 attack sa World Trade Center.
Madumduman nga 2,948 ka tawo ang napatay sang nag-atake ang Islamic terrorist group nga Al-Qaeda kun sa diin nagbunggo ang duha ka eroplano sa Twin Tower sang World Trade Center sa New York.
Sa interview sang Bombo Radyo kay Bombo International Correspondent Florence Hibionada, direkta sa Estados Unidos, iya ginpahayag nga nagpatigayon sang annual ritual of mourning sa ground zero kun sa diin natabo ang nasambit nga insidente.
Suno kay Hibionada, ang nasambit nga aktibidad ang ginpangunahan ni President Donald Trumo kag first lady Melania Trump.
Ginpahayag ni Hibionada nga nalakip sa mga napatay ang Ilonggo nga si Engineer Ramon Grejalvo sang Banate, Iloilo.
Mabatyagan sa gihapon sa Estados Unidos ang nangin epekto sang nasambit nga trahedya kun sa diin mas naghugot ang seguridad nga ginapatuman.
Lakip sa mga nagasimpatiya sa nasambit nga hitabo amo ang mga Filipino nga yara sa nasambit nga pungsod.
