Ginkomemorar sang bilog nga Antique ang ika-40 nga death anniversary sang Antiqueño nga baganihan nga si anay Governor Evelio Javier subong nga adlaw sa EBJ Freedon Park kun sa diin nahamtang man ang iya nga rebulto.
Ang programa ang ginpangunahan sang mga opisyal sang probinsya sa pagpanguna ni Antique Governor Paolo Javier.
Sa interview sang Bombo Radyo kay Jose Ira Villanueva, isa sa mga abyan ni Evelio Javier, iya ginpahayag nga wala gid niya malimtan ang dedikasyon sang Antiqueno nga baganihan sa iya nga pagserbisyo bilang gobernador sadto.
Nagpanugyan man ini sa mga kabataan sa subong nga henerasyon nga ila man nga hatagan sang balor ang mga baganihan kaangay ni Javier nga nagsakripisyo sang ila kabuhi agud nga mangin hilway ang Pilipinas sa subong.
Nahibaluan nga sa idalom sang Republic Act No. 7601, gindeklarar nga special non-working public holiday subong nga adlaw sa Antique, Capiz, Aklan, kag Iloilo agud dumdumon ang legasiya kag nangin kontribusyon sang anay gobernador.
