Pangunahan ni Department of the Interior and Local Government (DILG) Secretary Eduardo M. Año bilas tiglawas ni Presidente Rodrigo Duterte ang kahiwatan subong nga adlaw sang Araw ng Kagitingan ukon Day of Valor sa Mt. Samat National Shrine, Pilar, Bataan, las-9:00 subong nga aga.
Ang tema subong nga tuig amo ang ‘Sakripisyo ng Beterano ay Gunitain, Gawing Tanglaw ng Kabataan Tungo sa Kaunlaran’.
Kaupod ni Año sanday Ambassador of Japan Koji Haneda kag Deputy Chief of Mission of the United States of America John Law sa wreath-laying rites ukon paghalad sang bulak.
Si Bataan Governor Albert S. Garcia naman ang magahatag sang welcome remarks samtang magahatag sang mensahe amo si Ambassador Haneda kag Mr. Law.
Subong man nga adlaw i-anunsyar ang mga tagdaog sa National Creative Painting, Essay Writing kag Oratorical Contests sa pagpanguna ni Secretary Año kaupod sanday Department of Education Secretary Leonor M. Briones, Department of National Defense-Undersecretary for Civil, Veterans and Retiree Affairs Reynaldo B. Mapagu, Philippine Veterans Affairs Office Administrator Ernesto G. Carolina, kag President of the Veterans Federation of the Philippines Justice Manuel Pamaran.
Si Department of National Defense Undersecretary for Civil, Veterans and Retiree affairs Reynaldo Mapagu naman ang magapakilala kay DILG Secretary nga magahatag sang keynote address.
Ang ulihi nga bahin sang programa amo ang paglantaw sa Mt. Samat Development Scale Model kag Augmented Reality Project para sa Underground Museum.
