ILOILO CITY – Nag-abot na sa Iloilo ang ika-apat nga batch sang mga Overseas Filipino Workers nga ginrepatriate sa Panay gikan sa Metro Manila.
Nahibaluan nga kapin 50 ka mga Overseas Filipino Workers ang nag-abot sa Iloilo kagab-i sa diin maid-id ang nangin proseso sang ila pagpanaog agud masiguro nga hilway sila sa Coronavirus Disease 2019.
Gilayon nga ginsakay sa bus kag gindul-ong sa hotel ang mga OFW sa diin sila temporaryo nga maga tinir agud magpaidalom sa 14 ka adlaw nga quarantine samtang ginahulat ang resulta sang ila COVID-19 test.
Sa interview sang Bombo Radyo kay Crispin Catuto, isa sa mga OFW nga sakay sang barko iya ginpahayag nga tuman ang ila kalipay nga nakapauli na sila sa Iloilo.
Suno kaay Catuto, wala sang problema sa ila ang liwat nga pagpaidalom sa ila sa quarantine kag test bangud pat-ud nila nga para lang ini masiguro nga negatibo sila sa nasambit nga virus kag para ini sa kaayuhan sang tanan.
Dugang sang natungdan, apisar nga luyag na gid nila nga magpauli sa ila tagsa ka mga panimalay pat-ud man nila nga kinahanglan nila nga magsunod sa mga pagsulundan.
Tuman naman ang pagpasalamat ni Catuto sa tanan nga nagbulig sa ila ilabi na sa Provincial Government nga amo ang nagbulig sa ila agud makapauli,
