Matapos ang sunud-sunod nga pagsaka sa presyo sang produktong petrolyo sa pungsod sang mga tinalikdan nga semana, lauman na naman sang mga motorista ang saka sa presyo sini sa Martes, Hulyo 9, 2024.
Suno sa Department of Energy-Oil Industry, yari ang lauman nga oil price hike:
Gasolina – magasaka sang P1.25 tubtob P1.50
Diesel – magasaka sang P0.40 tubtob P0.60
Kerosene – magasaka sang P0.60 tubtob P0.80
Suno sa ahensiya, ang pagsaka sa presyo sang gatong ang bangud sa geopolitical tension sa Middle East kag pag-isol sang US crude investors.
Nahibaluan nga humalin sang Enero subong nga tuig, nagdangat na sa P9.25 ang ginsaka sa presyo sang kada litro sang Gasolina, P8.40 sa kada-litro sang Diesel, kag P1.75 sa Kerosene.
