PASSI CITY – Patigayunon na buwas nga adlaw, Hulyo 29, ang ika-duha nga hugnat sang Dugong Bombo 2020 sa Passi City.
May kaangtanan diri, ginpahayag ni Krishna Rodriguez, blood coordinator sang “Dugo Ko, Ibulig Ko, Passinhon Ako” program sang Passi City Government, nga all set na ang venue nga amo ang Don Valerio Palmares Sr. Memorial District Hospital.
Suno kay Rodriguez, pagasundon ang triage kag ang minimum health standrads sa pagbaton sang blood donors kun sa diin bisan ang walk-in donors ang welcome gid.
Para sa mga maluyag nga magpakuha sang dugo, kinahanglan nga nakatulog sang walo ka oras, nakakaon sang maayo, wala sang balati-an, wala naka-inom sang makahulubog nga ilimnon kag wala nakapanigarilyo.
Nahibalu-an nga sa una nga hugnat sang Dugong Bombo 2020 nga ginpatigayon sang Hulyo 22, natipon ang 103 ka bag sang dugo sa pagbuligay sang Bombo Radyo Philippines, Passi City Goverment kag Philippine Red Cross.
