ILOILO – Ginahulat na lang sang Department of Social Welfare and Development ang pagsulundan para sa ika duha nga hugnat sang pagpanghatag sang Social Amelioration Program.
Sa interview sang Bombo Radyo kay Mae Castillo, Public Information Officer sang Department of Social Welfare and Development 6, iya ginpahayag nga sa subong, indi pa nila mapat-ud kun ano nga mga lugar ang sakop sang cash assistance kag kun san-o ini igapanghatag.
Suno kay Castillo, ipaagi na sa digital wallet ang pagpanghatag sang ayuda kun sa diin indi na kinahanglan pa nga magpila kag magdinaguso ang mga benepisyaryo sa pagkuha sang kwarta.
Ginahayag ni Castillo nga mahimo nga mabaton ang kwarta paagi sa ATM cards kag finance centers agud indi na nila kinahanglan pa magpadulong sa releasing centers.
