MANILA – Gin-aprobahan sang Asian Development Bank ang dugang nga $500-million loan para sa Pilipinas.
Ang $500-million ukon masobra sa P24 billion, ang ika-lima na nga loan nga ginhatag sang nasambit nga multilateral lender sa Pilipinas subong nga tuig.
Sa statement sang Asian Development Bank, paagi sa new policy-based loan, ang gobyerno ang ginahatagan sang quick access sa emergency financing sa tion nga may yara sang kalamidad tuga sang natural hazards ukon public health emergencies nga nagaresulta sang state of calamity.
Sang Abril, gin-aprobahan sang Asian Development Bank ang $1.5-billion loan para sa COVID-19 Response and Expenditure Support Program kag $200 million para sa Social Protection Support Project.
Sang Hunyo, nagalab-ot sa $400 million ang gin-aprobahan para sa Support Capital Market Generated Infrastructure Financing Subprogram 1 kag $500 million para sa Expanded Social Assistance Program.
