ILOILO CITY PROPER– Nagpadayon ang ika tatlo nga adlaw sang Oplan Hawan subong nga adlaw sa dalanon sang Tanza Bonifacio, Iloilo city Proper kag sa Iloilo Terminal Market.
Ini ang may kaangtanan sa mandu ni Presidente Rodrigo Duterte nga full clearing operations sa mga national roads.
Sa interview sang Bombo Radyo kay Ferdinand Jose Rico, pinuno sang Barangay Affairs, iya ginpahayag nga apisar sang maulanon nga tyempo, indi gid mapunggan ang pagpadayon sang Oplan Hawan.
Suno kay Rico, suportado sang mga opisyal sang barangay ang nasambit nga operasyon rason kun ngaa nagtambong sila apisar sang indi maayo nga tyempo.
Dugang pa ni Rico, responsibilidad sang mga barangay officials nga bantayan ang mga residente nga indi na magbalik sa paghimo sang ila stalls nga naga baligya sa higad sang dalan.
Ginpahayag ni Rico nga naghatag sang memorandum ang Department of the Interior and Local Government nga naga mandu sa mga barangay officials nga i-endroso sa ila talatapan ang mga madakpan nga nagbalik sang mga obstructions sa dalan agud mahatagan sila sang sanction.
Samtang gin sugata naman sang baha ang Iloilo Terminal Market bangud sa nagbubo nga ulan kaina sang aga.
Ini ang nasaksihan mismo sang nagkalain-lain nga departamento sang Iloilo City Government kag ahensya sang gobyerno nga nagpatigayon sang Oplan Hawan.
Apang sang pag ulan, ginpadayon sa gihapon ang pangpanghawan sa mga stalls sa gwa sang merkado nga naga balabag sa dalan.
