OTON, ILOILO – Nadakpan na sang Philippine National Police (PNP) sa Oton, Iloilo ang ika-tatlo nga preso nga nakapalagyo sa custodial facility sang Sta. Barbara Municipal Police Station.
Ginkilala ang preso nga si Bhrix Sarin, 19 anyos, residente sang Candoni, Negros Occidental kag may kaso nga theft.
Nakit-an si Sarin sa Riverside beach resort, Trapiche, Oton, Iloilo nga nagapaligo sa dagat.
Narekober man kay Sarin ang isa ka sachet sang iligal nga droga.
Una na nga nagsungka ang duha ka mga preso nga kaupod man ni Sarin sa pagpalagyo nga sanday Mark Armada Arca sang Brgy. Barasalon, Janiuay, Iloilo nga may kaso nga murder kag Reniel Lozada Sellarico sang Brgy. Talanghauan, Sta. Barbara, Iloilo nga may kaso nga rape.
