Naapektuhan man ang taripa sang kuryente sa mga konsumidor sang Iloilo Electric Cooperative (ILECO) 3 sini nga bulan sang Agusto bangud sa pagkaguba sang high voltage submarine cable sang National Grid Corporation of the Philippines (NGCP).
Sa interview sang Bombo Radyo kay Christine Joy Hermano, ISD Manager sang ILECO 3, iya ginpahayag nga nagsaka sa P11.14 per kilowatt hour ang pass through generation charge sang mga konsumidor bangud sa manubo nga suplay sang kuryente.
Agud mabuligan ang mga konsumidor, ginpalawig ukon gin-extend sang ILECO 3 sa tatlo ka-adlaw ang due date sa pagbayad sang electric bill.
Ang nasambit nga grace period ang nag-umpisa sang tinalikdan nga Hulyo.
