Naghalin sa nagkalain-lain nga propiedad ang makabig ‘ill-gotten wealth’ sang pamilya Marcos.
Nahibaluan nga nagdangat na sa P203 billion ang estate taxes nga wala nabayaran sang amo nga pamilya nga subong ang ginaduso sang Department of Finace (DOF) nga kolektahon sang Bureau of Internal Revenue (BIR).
Sa interview sang Bombo Radyo kay former Iloilo Governor Arthur Defensor Sr kag amo man ang anay commissioner sang Presidential Commission on Good Government (PCGG), iya ginpahayag nga ang mga propiedad nga incorporated sa estate taxes sang mga Marcos ang naghalin sa bilog nga kalibutan kag indi lang sa isa ka lugar.
Suno kay Defensor., ang mga Marcos ang may balay sa Hawaii, Los Angeles, New Jersey, kag ang gintiniran ni Imee Marcos nga balay sa Kingstone, Jamaica.
May yara man suno sa natungdan sang buildings sa New York City ang pamilya Marcos.
May kwarta man ang mga ini nga halin sa bangko sa Switzerland kag mga alahas nga nakumpiska sang Bureau of Custom (BOC).
Diri sa Pilipinas suno kay Defensor, madamo man ang mga propiedad nga ginpanag-iyan sang Marcoses.
Dugang pa sang natungdan, ang estate tax ang obligasyon nga bayaran sang mga manugsubli nga pamilya.
Apang, nahibaluan suno sa iya nga masami ginapanginwala sang mga Marcos ang ila ownership sa pila ka mga propiedad kag ang iban suno sa ila ang fully acquired properties sang ila pamilya.
Dugang pa ni Defensor, wala pa sang diktador sa kalibutan nga ang iya paghakum sa kwarta sang mga pumuluyo ang masobra pa sa ginkuha sang pamilya Marcos.
