Ginkumpirma na ni President Ferdinand Marcos Jr. nga pirmahan sini ang hagna nga nagaduso nga i-postpone ang 2025 Barangay and Sangguniang Kabataan Elections (BSKE).
Samtang yara sa media forum sa Bengaluru, India, ginpamangkot siya sang mga reporters kun pirmahan sini ang bill ukon pabayaan lamang nga mag-lapse kag dalayon nga mangin layi.
Sabat ni Marcos, “I’ll sign it.”
Ginplastar sini nga kinahanglan nga matutukan ang parliamentary elections sa Bangsamoro Autonomous Region in Muslim Mindanao (BARMM) sa Oktubre.
Ini ang una nga bes sa maragtas nga may amo sini nga sahi sang eleksyon sa BARMM suno kay Marcos, kag dapat nga indi ini mapalpak bangud may epekto ini sa peace process.
Pahayag pa sini, bag-o lang natapos ang daku nga piniliay nga amo ang 2025 midterm national and local elections sang Mayo, kag mangin ang Commission on Elections (Comelec) suno sa iya ang nagpahayag na nga indi na nila ini masarangan.
“We are facing one of the biggest elements here, kakatapos lang natin ng malaking eleksyon, midterm election… You have to remember, the BARMM election that is upcoming in October is the first time we have ever had this kind of election at all. Sa buong kasaysayan ng Pilipinas, hindi pa nagkaroon ng BARMM Parliament na hinalal ng tao. So, that is why it is so important,” suno sa presidente.
“If that election (BARMM) fails, malaking bagay, malaking failure ‘yan doon sa peace process. Kaya’t kailangan na kailangan maging matagumpay ang pagganap ng halalan ng BARMM. And that’s why we really are focusing on that,” dugang sini.
Una na nga nag-anunsyo si Comelec chairperson George Garcia nga ginpahibalo siya sang Malacañang nga matabo ang pagpirma sang hagna para sa BSKE postponement sa Martes, Agusto 12.
Naka-set kuntani ang piniliay sa Disyembre 1, 2025.
Sang Hunyo, ginratipikahan sang Kongreso ang bicameral conference committee report nga nagaduso nga palawigon ang term of office sang barangay and SK officials pa-apat ka tuig, kag i-postpone ang elections kag sayluhon sa una nga Lunes sang Nobyembre 2026.#
