Padayon pa ang ginahimo nga imbestigasyon sang kapulisan kaangot sa paglapta sang minilyon nga balor sang ligal nga droga sa Western Visayas sa diin ginapahayag nga naghalin ini sa China.
Sa interview sang Bombo Radyo Iloilo kay Police Captain Ryan Christ Inot, pinuno sang City Drug Enforcement Unit sang Iloilo City Police Office, iya ginpahayag nga kagab-i lang P7.9 million nga balor sang shabu ang nakuha sa drug buy bust operation sa Barangay Tacas, Jaro, Iloilo City.
Ang subject amo si Michael Pangcrudo, 30, residente sang Bitoon, Jaro, Iloilo City.
Nakaagi na ini preso sang tuig 2015 kag nakagwa lang sang 2020.
Nakuhaan ini sang kabug-usan nga 1,000 grams sang shabu balor P6.3 million.
Magluwas diri, gin-turn-over man sini ang 220 grams sang shabu halin sa iya balay balor 1.6 million.
Ibaligya pa ini kuntani sa mga street level individuals kun wala natigayon ang operasyon.
Sa subong, preso na ini kag nagapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
