Nagahimo na sang tikang ang gobyerno agud lubos nga madula ang linibo ka mga illegal gaming websites nga naga-operate sa pungsod.
Kasunod ini sang pagdamo sang mga tawo nga naadik sa mga hampang sa online casino nga ginatawag ‘scatter’.
Suno kay Palace Press Officer Claire Castro, ang SCATTER isa ka hampang gikan sa isa ka lisensyado nga gaming website.
Nakighambal man ini sa opisyal sang nasambit nga lisensyado nga website sa paghampang sa diin ginpasalig niya siya nga nagahimo sila sang mga tikang sa pagpakig-away sa pagkaadik sang mga tawo.
Nagpanugyan man ini sa publiko nga may kilala nga adik sa paggamit sang online gambling nga gilayon nga magpalapit sa Philippine Amusement Gaming Corporation (PAGCOR) agud nga ma-ban ukon madumilian ang indibidwal sa paghampang.
Ginsiling man sang natungdan nga ang gobyerno nagpasirado na sang tubtob 7,000 ka mga website nga naga-host sang ilegal nga sugal kag padayon sila nga nagahimo sang mga tikang sa pagpakig-away sini.
