Tinguhaan sang Iloilo City Government nga masolbar ang madugay na nga problema sang illegal parking sa palibot sang Iloilo Terminal Market ukon Super sa pinakamadali nga panahon.
Sa interview sang Bombo Radyo Iloilo kay Mr. Jeck Conlu, pinuno sang Public Safety and Transportation Management Office, iya ginpahayag nga may pending na nga plano ang iya talatapan kag iya na ini ginpresentar kay Iloilo City Mayor Jerry Treñas.
Suno kay Conlu, ginahulat na lang nila nga matapos ang transition process kag pag-inventory sang assets sang sang Iloilo City Government lakip na ang mga personnel.
Ginpahayag ni Conlu nga may yara man sila sang satellite office sa Super para sa monitoring apang limitado lang ang ila hulag bangud ginahulat pa ang paghire sang bag- o nga mga personnel nga i-assign sa Public Safety Transportation and Management Office.
