𝗜𝗟𝗢𝗜𝗟𝗢 — Amat-amat na nga ginahitsu ni Iloilo 1st District Representative Janette Garin ang iya line up para sa 2025 midterm elections.
Sa interview sang Bombo Radyo kay Garin, iya ginpahayag nga ginalantaw sini nga magapapili sa gihapon sa posisyon bilang kongresista apang nakadependi pa sa mga mangin desisyon kun may mga pagbag-o nga matabo.
Suno kay Garin, sa bahin sang banwa sang Oton, ginahitso naman kun sin-o ang mangin ila nga kaalyado.
Malapit naman nga makompleto ang line up sang kongresista sa banwa sa Tigbuan, samtang sa banwa sang Guimbal, ginpasigurado man sini nga wala sila sang kontra.
Ginpahayag man sang natungdan nga sa banwa sang Igbaras, ginanahulat na ang ila mangin pagpakig-istorya kay Igbaras Mayor Vicente Escorpion Jr.
Ginkalipay naman sang mamalidha ang kompleto nga nila slate sa banwa sang Tubungan, samtang isa na lang ka konsehal ang kulang sa banwa sang San Joaquin.
Nagalaum naman si Garin nga makompleto sa katapusan sang Hunyo ang ila nga linyada sa bug-os nga primer distrito.
