ILOILO CITY- Pursigido si Iloilo 2nd District Rep. Michael Gorriceta nga iduso kag mapasar sa kamara kag mangin layi ang House Bill 10680 nga iya gin-file.
Ang nasambit nga handa ang may tig-ulo nga “An Act Exempting from Taxes the Fertilizers ang Pesticides Used in Rice, Corn, and Sugar Production.
Sa interview sang Bombo Radyo kaY Rep. Michael Gorriceta, iya ginpahayag nga gin-file niya ang hagna sa katuyuan nga mabuligan ang mga mangunguma ilabi na sa 2nd District of Iloilo kun sa diin nagasalig ang mga tawo sa agrikultura bilang mayor nga palangitan-an.
Suno kay Gorriceta, nagalaum siya nga kun maaprubahan ang ginaduso nga tax exemption, mahimo nga mapataas sang mga mangunguma ang ila ginansya kag mapadako ang agricultural supply sa 2nd District, sa bilog nga probinsya, kag sa pungsod.
Dugang sang mamalidha, nahangpan niya ang sentimyento subong sang mga mangunguma nga magluwas sa mataas nga presyo sang abono, namierdehan man sila bangud sa paglaslas sang bagyo Odette sang Disyembre 2021.
