Ginaduso ni Iloilo 2nd District Rep. Michael Gorriceta nga mapadasig ang pagsuspende sa pagbaligya sang bulong sa tanan nga sari-sari store agud malikawan ang paglapta sang fake medicines.
Sa interview sang Bombo Radyo kay Gorriceta, iya ginpahayag nga ginatun-an niya sang ma-id-id ang Republic Act No. 10918, ukon ang Philippine Pharmacy Act.
Sa idalom sang Section 30 sang RA 10918, ang Food and Drug Administration (FDA)-licensed retail drug outlets ukon pharmacies lang ang ginapahanugutan nga magbaligya sang mga bulong sa publiko ukon mga konsumidor.
Suno kay Gorriceta, magapadala man siya sang sulat sa FDA may kaangtanan sa sitwasyon sang kada distrito sa probinsya nga apektado sang nagalapta nga iligal nga mga bulong.
