Iloilo City – Nangin positibo ang reaksyon sang mga mamalidha sa Iloilo ginpatigayon nga public consultation may kaangtanan sa ginaduso nga pag-amyenda sang economic provision sang 1987 Philippine Constitution.
Halos 1,000 ka attendees nga naga-tiglawas sang nagkalain-lain nga sektor lakip na ang business, academia, mga pamatan-on, government agencies, kag local government units.
Antes ang konsultasyon sa Iloilo, may yara man sang ginhiwat sa National Capital Region kag sa Cagayan de Oro City para sa Mindanao leg.
Sa konsultasyon, ginpamangkot ang mga nagtambong kun kinahanglan gid man nga amyendaran ang Konstitusyon; kun ano ang ila pilion nga mode of amendment; kag kun ano nga partikular nga amendments ang ila i-propose.
Sa interview sang Bombo Radyo kay Iloilo 2nd District Representative Michael Gorriceta, iya ginpahayag nga para sa iya, malawig na ang 36 ka tuig nga ginasandigan nga Konstitusyon sa Pilipinas.
Para sa mamalidha, importante nga may mabutang nga pagbag-o sa economic aspect, problema sang magpamilya, kag ang kapigaduhon sang mga Pilipino.
Dugang pa sang natungdan, nagapabor ini sa nangin lihok ni Iloilo 3rd District Representative Lorenz “Nonoy” Defensor nga ipasentro ang pag-amyendar sang konstitusyon sa economic provision agud mapauswag ang ekonomiya sang pungsod.
