Ginkakibot ni Iloilo 5th District Board Member Carlo Ong nga wala nalakip ang iya pangalan sa pag-imprinta sang balota sang Commission on Elections (COMELEC) para 2025 midterm elections.
Sa interview sang Bombo Radyo kay Board Member Ong, iya ginkumpirma nga wala ang iya pangalan sa balota, rason man nga nagpadala na ang iya nga team sang sulat sa law department sang COMELEC kaangot sa nasambit nga concern.
Suno kay Ong, wala siya sang kapaltahan sa pagpasa sang mga requirements nga kinahanglanon sa tion sang filing sang certificate of candidacy.
Nakig-istorya man ang iya kampo sa bahin sang COMELEC Iloilo Province agud nga mahatagan sang solusyon ang pagkadula sang iya pangalan.
Indi man sini matumod kon ang bahin diri sa lokal ang may kapaltahan ukon sa National bangud sa una nga pagpaguwa sang sample ballot, nalakip man ang iya nga pangalan.
