ILOILO CITY- Nakahanda na ang Iloilo Baptist Church sa Dugong Bombo 2019 nga patigayunon sa Nobyembre 16, 2019 sa Iloilo Science and Technology University (ISAT-U) sa Burgos Street, La Paz, Iloilo City.
Sa interview sang Bombo Radyo Iloilo kay Pastor Joeven Labaña, presidente sang Iloilo Baptist Church, iya ginpahayag nga tuigan sila nga nagaupod sa nasambit nga civic project sang Bombo Radyo Philippines.
Suno kay Pastor Labaña, naintindihan nila nga madamo ang mga nagakinahanglan sang dugo.
Ginpahayag sang natungdan nga sa madata na ang mga nagabalatian sang dengue kag pinaagi sa pagdonar sang dugo, masugpunan ang kabuhi sang mga nagabalatian.
Ginpasalig man ni Pastor Labaña nga full force sila sa pag upod sa nasambit nga blood letting activity sa diin tuig tuig sila nga nagapasakop.
Gin- agda man ni Pastor Labaña ang iban pa nga mga pumuluyo nga magdonar man sang dugo pinaagi sa Dugong Bombo.
