ILOILO CITY- Kritikal ang papel nga tungdan sang pagatukuron nga Iloilo-Capiz-Aklan Expressway nga isa sa priority projects sang Marcos Jr. administration nga ipaidalom sa Public- Private Partnership (PPP).
Sa interview sang Bombo Radyo kay Engr. Arecio Casing, Regional Director sang NEDA Region 6, iya ginpahayag nga
magluwas sa pagpalip-ot sang travel time sa nanuhay-tuhay nga destinasyon sa Panay, magahatag man ini sang dugang nga convenience sa transportasyon.
Suno kay Casing, bangud isa sa mga features sang proyekto amo ang elevation sini, indi ini pagbahaon sa tion nga magbubo ang ulan nga sa masami amo ang nagahatag sang huol sa mga motorista.
Gin-athag ni Casing nga ang expressway ang makabig nga improvement sang existing nga road network.
Ini ang magaumpisa sa Iloilo tubtob sa Caticlan, Aklan.
Sa subong, wala pa sang nahingadlan nga major player para sa amo nga PPP project kag wala pa man nadeterminar ang kabilugan nga budget nga kinahanglanon para sa expressway.
