Personal nga nagpadulong si Iloilo City Acting Mayor Jeffrey Ganzon sa Barangay Magsaysay, La Paz, Iloilo City agud nga magpasalig sang bulig kasunod sang nagluntad nga sunog sa lugar.
Sa interview sang Bombo Radyo kay Ganzon, iya ginpahayag nga kon opisyal naman ang listahan sang Iloilo City Social Welfare and Development Office (CSWDO) forward na lang sini sa Iloilo Province agud nga mabuligan man ang mga estudyante nga taga-probinsya sang Iloilo.
Suno kay Ganzon, mabatyagan gid niya ang balatyagon sa kon paano masunogan bangud sa makapila ka beses nga siya ang nasunogan man sang balay.
Gintumod man sang acting mayor nga makipag-angot sila sa CSWDO agud nga mahatagan sang dugang nga bulig ang mga apektado sang sunog.
Nahibaluan nga indi magnubo sa 19 ka mga balay ang nasunog kon sa diin, kalabanan diri ang human sa light materials.
