ILOILO CITY – Ginakasubo ni Iloilo City Administrator Atty. Hernando Galvez ang mga masakit nga pahayag ni Iloilo City Lone District Cong. Jerry Treñas batok sa iya tuhoy sa isyu sang pagdeklarar sang State of Calamity sa syudad sang Iloilo bangud sa kakulang sang tubig.
Ini matapos ang pahayag ni Treñas nga si Atty. Galvez ang nagaduso nga ipaidalom sa State of Calamity ang syudad sang Iloilo agud nga magamit na ang calamity fund nga P125 million sa pagpangampanya ni Iloilo City Mayor Jose Espinosa III.
Sa interview sang Bombo Radyo kay Atty. Galvez, iya ginpahayag nga nakibot siya sa pahayag ni Cong. Treñas batok sa iya.
Sa pagkamatuod suno kay Atty. Galvez, gina-idolo niya si Treñas nga iya ginserbisyuhan sa sulod sang siyam ka tuig.
Matapos ang ginbuy-an nga pahayag ni Treñas, kasubong suno kay Atty. Galvez nga nadula na ang iya pagtahod sa mamalidha.
Kadungan sini, ginpahayag ni Atty. Galvez nga ang iya trabaho amo nga magserbe nga City Administrator kag indi campaign manager ni Espinosa.
Suno pa sa natungdan, mahimo nga ang ginapatu-patu sa iya ang nahimo na sadto ni Cong. Treñas sa iya termino bilang alkalde sang syudad.
