Tinguhaan sang Iloilo City Agriculture’s Office nga doblehon pa ang pagbantay sa Iloilo River kasunod sang nadakpan nga duha ka mga manugpangisda nga naga illegal fishing.
Ang mga arestado ang naaktohan sang Philippine Coast Guard kag Office of the City Agriculturist nga nagagamit sang gillnet sa pagpangisda.
Sa interview sang Bombo Radyo kay Iñigo Garingalao, city agriculturist, iya ginpahayag nga ang ginapatuman nga ordinansa sang ahensya amo ang pagpamunit lamang sa diin ginadumulian ang pagbutang sang permanent nga istruktura sa suba kag pagpamukot.
Plano ni Garingalao nga makighinun-anon sa Bureau of Fisheries and Aquatic Resources (BFAR) agud madiskusyonan ang tuhoy sa mga naga illegal fishing.
