ILOILO CITY – Nagpa-athag si City Agriculturist Romulo Pangantihon sa pagkalaya sang mga tanum sa center island sa Sen. Benigno Aquino Jr. Avenue, Mandurriao, Iloilo City.
Suno kay Pangantihon nga pinuno man sang Task Force Beautification, regular nga ginabunyagan ang mga tanum apang bangud sa tuman ka init nga tiyempo, ini ang nagakalaya.
Pinaka-apektado suno kay Pangantihon amo ang mga tanum halin sa Brgy. Taft North, sa distrito sang Mandurriao tubtob sa Brgy. Sambag, Jaro sa distrito sang Jaro.
Gin-ako man sang natungdan nga problema ang kakulang sang tubig sa syudad sang Iloilo.
Sa subong, apat ka tangke sang tubig na lang sa baylo nga anum tubtob walo ang ginabunyag sa mga tanum.
