Amat-amat na nga nagapanghatag sang notice of liquor ban ang Commission on Elections (COMELEC) sa mga balay-ilimnan sa Iloilo City.
Sa interview sang Bombo Radyo kay Mr. Jonathan Sayno, Election Assistant II sang City Comelec, iya ginpahayag nga ang tikang amo agud ipahanumdom nga ginadumilian nga magabligya sang makahulubog nga ilimnon antes kag adlaw mismo sang 2025 midterm elections.
Suno kay Sayno, ang lihok ang isa ka pamaagi agud nga ang business establishments ang maka-apply sang ‘exemption’.
Mahimo naman nga maka-apply ang mga establisyemento nga registered sa Department of Tourism (DOT) nga naga-cater sang mga foreigners.
Gin-athag man sini nga ang may foreigners lamang nga customer ang mahimo makaangkon sang exemption.
